Shtetet e Bashkuara të Amerikës kanë nxjerrë në det aeroplanmbajtësen e dytë në gadishullin korean në një kohë kur tensionet janë rritur në rajon. Aeroplanmbajtësja ‘USS Ronald Reagan’ i është bashkuar grupit të aeroplanmbajtëses tjetër ‘USS Carl Vinson’ dhe së bashku pritet të kryejnë ushtrime stërvitore.

Shtëpia e Bardhë është shprehur se kjo raketë ishte me një rreze më të shkurtër veprimi krahasuar me tre testet e fundit të Koresë së Veriut.

Ky test vjen një javë pasi Koreja e Veriut testoi atë që ajo e quan raketë të aftë për të mbajtur një kokë të madhe bërthamore.

Zyrtarët e marinës amerikane nuk kanë përcaktuar se sa kohë do qëndrojnë aeroplanmbajtëset së bashku në rajon.

‘USS Ronald Reagan’ është një transportues i fuqishëm dhe mund të mbajë një ekuipazh prej 4539 personash. Ajo mund të mbajë rreth 60 avionë dhe kushton rreth 8.5 miliardë dollarë.

Koreja Veriore e ka shkrepur sot një raketë ende të paidentifikuar, njofton Ushtria e Koresë Jugore.

Zyra e Shtabit të Përgjithshëm të Koresë Jugore ka thënë në një komunikatë se raketa është hedhur të dielën pasdite (sipas kohës lokale koreane), nga një lokacion afër Pukchang.

Testimi i kësaj rakete vjen një javë pasi Veriu e testoi edhe një raketë tjetër, për të cilën kishte thënë se ishte një lloj i ri i raketës që është në gjendje të bartë armë të madhe bërthamore.

Ndërkohë Sekretari i Shtetit të SHBA’së, Rex Tillerson, ka thënë se presioni ekonomik dhe diplomatik do të vazhdohet ndaj Koresë Veriore pas lansimit të raketës balistike.

“Testimet e vazhdueshme janë zhgënjyese, shqetësuese dhe kërkojmë që ata ta ndalojnë këtë,” ka thënë TIllerson.